میرمن فاطمه – ګیلانی د افغانستان د معزز مذهبی مشر ښاغلی پیر سید احمد- ګیلانی فرزند په کال ۱۹۵۴/۱۳۳۳ د کابل په ښارکی زیږیدلی ، دملالی لیسی ځخه د فراغت وروسته، لوړ تحصیلات یی د ایران د اسلامی جمهوریت په ملی پو هنتون کی ترسره کړی او خپله ماستری یی د اسلامی علومو په څانګه کی د انګلیستان د اسلامی پوهنتون ( Muslim Collage) څخه لاسته راوړ.
میرمن فاطمه - ګیلانی د جهاد په دوران کی د مجاهدینو د ویاند په توګه دنده ترسره کړی اود ماشومانو د پالنی او د ټپی مجاهدینو د درملنی په برخه کی د ستاینی وړ خدمتونه ترسره کړی دی .

ډیر ژر ...

 دسره صلیب او سری میاشتی نړیوال غورځنګ تاریخچه

په کال ۱۸۵۹ م ځوان سویسی سوداګر د سوداګریزو چارو د پاره د ایتالیا هیواد ته سفر کاوه چی دیوی ناوړی او کرغیړن پیښی سره مخامخ شول ...

دافغاني سرې مياشتې ټولنه يوه ناپلوې، خپلواک او رضاکاره خېريه ملي ټولنه ده چې  ۷۷ کاله پخوا د جګړې قربانيانو، د طبيعي ناوړو پيښو مصيبت ځپلو او د اړتيا په صورت کې، ټولو اړمنو کسانو سره د  توپيره مرستی لپاره رامنځ ته شوی چی دا قیمومیت یی د دولت لخوا په رسمیت پیژندل شوی هم ده . دغه خیریه ټولنه   د هیواد په ټولو سیمو کی د رضاکارانو د پراخی شبکو  او ولایتی ځانګو په درلودلو سره بشرپال فعالیت سرته رسوی . هر هیواد وال کولای شی د دی ټولنی غړیتوب ترلاسه کړی او پدی توګه د لارښود هیئت د ټاکنی په چاروکی ګډون  اویاهم خپل ځان نوماند کړی. دسری میاشتی د بشرپالو خدمتونو لګښت ددی ټولنی د عایداتی سرچینو، دسره صلیب اوسری میاشتی د نړیوال غورځنګ د مرکبو، د غړیو مرستواو... لخوا تامینیږی او هر هغه مرسته چی د غورځنګ د بنسټیزو اصولو او د ټولنی د اساسنامی د احکاموسره مغایرت ونلری په ورین تندی منی ، همدا اوس سره میاشت د پیښو اداری ( دناوړو پیښو د زیانمنو سره مرسته ) ،روغتیایی خدمتونه ( د بیوزلو ناروغانو په وړیاتوګه درملنه)، مرستون( د بیوزلو کورنیو او افرادو ساتنه او پالنه)، دماینونو د خبرتیا، د بندیانو او ورکو خلکو پلټنی او دهغوی اړیکی ددوی د کورنیو سره برقرارول، کاردخوړو په بدل کی او د حرفوی زده کړی او نورو ګټورو ځانګو کی فعالیت کوی . سره میاشت د سره صلیب د نړیوالی کمیټی او  د سره صلیب او سری میاشتی د نړیوال اتحادیی غړیتوب یی ترلاسه کړی او پدی توګه  دملی او نړیوال هویت په درلودلو سره په هیواد  او نړی کی پیژندل شوی با اعتباره خیریه ټولنه ده .