دافغاني سرې مياشتې تشکيلاتي جوړښت په دوه برخو ويشل شوئ دئ :
١- رهبري يا مشرتابه
٢- اداره
رهبري يا مشرتابه
د افغاني سرې مياشتې ټولنې د اساسنامې له مخې رهبري يا مشرتابه د لوي رئيس په ګډون د ۱۲ كسانو د رهبري بورد له غړو څخه جوړيږي. د مشرتابه بورد د نورو ځانګړو مسووليتونو په درلودلو سره دنده لري تر څو د ملي ټولنې مهم تصميمونه و نيسي ، د ملي ټولنې سكرتر جنرال و ټاكي او دملي ټولنې چارې باندې نظارت او څارنه وكړي.
د مشرتابه بورد غړي د لوي رئيس په شان د عمومي مجمع لخوا د ټاكنو د ليارې ټاكل كيږي
اداره
د ادارې برخه د ملي ټولنې د اساسنامې له مخې د ملي ټولنې اجرائيوي څانګه ده چې د سكرترجنرال په ګدون د ملي ټولنې ټول رياستونه او كاري برخي جوړوي. دغه څانګه د مشرتابه هيئت په لارښوود د ملي ټولنې ټولې كارې چارې د سكرترجنرال تر نظارت لاندې پرمخ بيايي
|